陳E神 Moving On Concert!!!

星期六我去左睇陳奕迅演唱會呀!!!!!!!!!!!!!
我好耐冇去演唱會啦~~ 我對上一次睇演唱會已經係2006年既王力宏蓋世英雄la!! 仲要今次係陳奕迅, 邊個都可以唔睇, 陳奕迅演唱會唔可以唔睇ga!!!!!!!
呢幾年唔o係香港, 去唔到佢既concert 我真係好灰... 本來佢去SF 都好想去, 但係又貴又要請假, 點知之後公佈佢來LA!!! 梗係點都去睇啦!!!! 真係超興奮呀!!!!!!!!!!
我地一有賣飛既詳情就買左飛啦!!! 因為一定會去睇ga!!! $88, 已經係第二平ga la~~ haha!!

我地開左2個鐘頭車去到一個四野無人既沙漠, 都唔係LA 來ge, 我相信班crew 會覺得比人呃左, 一d 洛杉磯景點都見唔到~ 仲要間酒店係spanish 名, Agua Caliente, Eason 有make fun of 呢個名lor, 佢用spanish accent 去讀呢個名!! hahaha!!! 去到食左個buffet, 就係casino buffet咁lor... haha!! 然後就入場啦~~

入到場發現正正後面係我地識既人, 然後我同事又坐得好近wor, 我地坐$88 section 第一行, 好正呀!!! 個場好新呀~ d chairs 好舒服~~~ 寫住8:00 開場但係8:30先開始wor~~ 然後呢~~ 佢出場!! 就超興奮啦!! 佢著住件大袍上面有閃燈ga!!! 我以為佢來美國都係頹頹地ga la, 點知都有concert 衫ga wor!!! haha!! 喜出望外呢~~

佢一連唱左好多首國語歌lor, 我唔熟國語歌ar ma, 只係識佢唱左既2, 3 首, 佢再唱國語歌我真係想喊!! 佢唱左"It's a Wonderful World", 超正!!!!!!!!!!! 仲有呢... 佢唱天下無雙既時候我真係激動到想喊!!!

基本上成個concert 都好好睇, d dancers 好勁, (我又以為好頹ga ma 點知有dancers ga wor), 連Eason 自己都跳wor!! 我從來都唔知佢識跳舞ga lor!!!! 佢都帶左隊band ga wor!! 個和音得一個, 好勁呀!! 我成日都覺得d 和音好勁, 今次仲得一個tim, 佢唔可以衰!! haha!! 佢仲唱左咩呢... hmm 有2隻新碟入面既歌啦, 有愛是懷疑啦, 富士山下啦, K 歌之王啦, 浮誇啦, 第五個現代化啦 (其實我唔想佢唱呢首wor 又, 個人來講唔太好, 但係呢d 好明顯係concert 歌), 演唱會啦, 低等動物啦, 黑夜不再來啦... 唔記得lu, 最後encore 係單車, 其實我本身唔太好單車, 寧願佢唱第二首ge... 我想佢唱"葡萄成熟時", "孤獨探戈"呀, 仲有"信心花舍"呀 (係咪好奇怪呢?) hahaha!!! 基本上如果佢唱多d 慢歌就好啦!!! 佢唱到10:45 到啦, 唔知香港d concert 係咪長d 呢~

我記得以前我阿媽成日同我阿爸講"你呢d 人呀!! 去演唱會實比人打!!", (因為電視播d 歌星唱歌佢又跟住唱搞到聽唔到), 我而家深深明白到, 原來去演唱會, 真係可以想打人的!!!!!!!!!!!!!!!! 我係o個d 保守派人士, 去演唱會真係坐o係度聽, 如果佢叫你跟住唱呢, 基本上我係唱左都係聽唔到自己唱的, 但係又投入左ga la wor.... 是次演唱會, 我真係想聽Eason 唱ga ja wor, 佢唔帶dancer 來唔著登台衫我都完全okay ga wor!! 成程呢, 我已經盡量adjust, 但係有一首歌呢, 慢歌來ga wor, Eason 已經唔係唱得多慢歌啦今次, 所以我真係聽到好投入!! 去到最後一句之前, 有個rest, 跟住我好期待聽埋佢唱最後一句, 點知, 隔離又跟住唱, 搞到係﹒完﹒全﹒聽﹒唔﹒到﹒Eason﹒唱﹒的!!!!!!!!!!!! 真係完完全全蓋過左Eason 把聲... 真係一億個灰.................................... o個一刻, 我體驗到, 母親的說話是對的.... 真係... 灰到... 眼淚在心裡流..............